Psa 23 | PMA | STEP | Ahi Asuv, kei mul losil kat inau suval meatin koa losil kat sipsip sen keil. Tounah vasi koa vakataun moulien onak, kei sani minau.

Psalms 23

Ahi Asuv Mul Losil Kat Inau

1 Ahi Asuv, kei mul losil kat inau
suval meatin koa losil kat sipsip sen keil.
Tounah vasi koa vakataun moulien onak,
kei sani minau.
2 Kei kur nau nuva en uteral koa oumunai tahos mul ien,
ka mulamunau nuva en out koa oai mekaikai ka mandil.
3 Kei san keihoen hau minau
ka mulamunau en sise koa mal,
suval koa kei vat kati.
4 Heisavos munak niha en mari mankoli, nirmetautei,
ven keik, Ahi Asuv, komusil inau.
Kolele kokoe venau ka koring koe nau.

5 Komumon mari anien tai venau
en out koa koakeil mete tisa enau akilea avales inau.
Kosan more amaien minau suval koa navi mari meatin tai,
ka kovus anien vilelau en pelet koa kosani minau.
6 Nakilea keke tahosien ka more envatien onom housil katnau en avong vasi,
ka nito en teim som lisenges.